1اشعار متفرقه


صاحب الموضوع حيدر العصاد العبادي :
بيت من الابو ذيه للحاج شريف الحاج عصاد العبادي رحمه الله
زرعة الصبر بين جلاي ورمــــــه
وعلى كلب الخصيم نصير ورمه
ريت انه بحلك الطوب ورمــــــه
ولا ذل بعمامي ودكر ليــــــــــه

————-———————-

الكرم نهرين يم نهرين بس لعباده ورده

بدرب الضيف عالكترين شوفه مزين بورده

وللعدوان رمح وسيف وابمقوارنا انرده

وان صارت حچي وازماط 

حلقه بهاذي انسده

شعر  الحاج محمد حامد

—————–

المصدر  الشيخ عادل العصاد العبادي :
كتب المله جادر الاسدي الى الشاعر جبر العلاوي العبادي البيت التالي في اربعينيات القرن الماضي…

دمعتي صلت خدي من يرتبه
وعكل بالراس غيرك من يرتبه
قضيتي مثل يوسف من يرتبه
على يعقوب وانه اكثر رزيه

فأجابه العبادي

دمعتي صلت خدي من تسالي
وعليك الراس شيب منته سالي
عجب لسه يكلبي منته سالي
سلوك اهجع شبيك تلوم بيه

——————————-

عباده اهل الكرم والطيب هيل تسيل دلتنه والشامت يرد خسران حين الشاف لمتنه

——————————–-

قصيدة الشاعر عمر عادل العصاد 

أبوي وان مريت باسمه ولاهان
تعجز حروفي تنصفه بالقصايد
لانه عضيم ولايبي فيه برهان
ولانه كبير ولايبي له شهايد
ولانه كريم ولايجد فيه نقصان
ولانه فريد من الرجال الفرايد
ولانه ابوي وتاج راسي وعنوان
مجدي على مر السنين البعايد
لامن طروه الناس في كل ديوان
ماقيل غير انه على الناس زايد
ياما بنوا للطيب من طيبته شان
وصارت لهم أصغر فعوله عوايد
قلبه وطن للي شكى مرالازمان
مزبن خويه في الليالي الشدايد
الله يقدرني على رد الإحسان
وأعطيه من باقي سنيني مدايد

———————————–

——–المصدر الشيخ عادل العصاد العبادي :
وللشاعر نايف الحاج عصاد العبادي هذين البيتين من الابوذية قالهما في عشرينيات القرن الماضي………
ذلولي ما يجد السير ضلعاي (يضلع)
جفو عني ومد البصر ضلعاي (ضل غبار)
شبه كسر الزجاج انكسر ضلعاي ( الضلع)
شعب ما ينفع التجبير بيه

الثاني
ذلولي ما يجد السير نكضاي ( تعب)
لنه شف بهواكم بعد نكضاي (نقضي)
ان جان انته لعند العهد نكضاي (ناقض)
انه والله العهد ثابت عليه

——————————————–

—المصدر الشيخ عادل العصاد العبادي
هذا البيت للحاج عمر الحاج شريف العصاد العبادي

وحك المشت مسبيه وناحيت
الشماته رضت ضلوعي وناحيت
حسب ضني خوي ثابت وناحيت
تخلي الشامتين افرحو بيه

——————————————————–

——– المصدر الشيخ عادل العصاد العبادي
في تشرين الاول من عام 1958 وعن عمر ناهز المائة عام وعندما احس الشيخ الحاج شريف العصاد رئيس قبيلة عبادة بدنو أجله واقترب رحيله…طلب من عشيرته ان تجتمع وطلب ان يسمع مذا يقول الشعراء والمهاويل (المهوسجيه) عنه, وفعلا احتشد الناس امام مضيفه واخرجوه وهو مسجى على سريره….. وبدء المهاويل

وأولهم كان المرحوم فاضل العبيد المهوس حيث قال

بحر لُيٍ والدليل احتار مادل بيه
مغناطيس والجاكوج والمنشار ما مض بيه
نسر والجابته سنتين حالت بيه
لا والسبعه وسبعة نوح اخلافك ما نندلش

وبعده قال الشاعر ديوان المسلم

لا لي طمع عندك لا الك دناع
لاجن شيب مضلم مجمن للسباع
حساف يبو مطشر طولك تضمه الكاع
في فيه علينه حسين المايتعوض

وبعده قال كاظم الجبر

خل نمشي لعند الخيط ونعازيه
عله هديب الصلب والهزل ناخت بيه
ارد تحاكك وي البين وحكنه عدمن نخليه
شال الما ينشال ولا يزحزح بالحد

——————————-

———-المصدر الشيخ عادل  العصاد العبادي
وللمرحوم ناصر الحاج شريف العصاد

ابي سايس وحسلهن ويليل
وباري اليفتخر ثغره ويليل
عسعس وظلم جعوده ويليل
تبسم صبح خده وسطع ضيه

———————————————-

 هذه الابيات من الشيخ نعيم ال عبدالله العبادي :
أشد حزام لعباده ولشكال–بعمامي ماشفت زله ولشكال–أنا المادورت مظهر ولشكال–أدور عالأخو اليسأل عليه……… أرجال الودعتنه ومشت منه بليل\جانت بالمضايف مثل نجم اسهيل\يعدلون بحجيهم من يصير الميل\الفزاعيه\أرجال التفرض بالحد يصعب فركاها((((الف رحمه على روحك ياابو قيصر))))

————————————————————

- الشيخ نعيم ال عبدالله العبادي/
أبو ذيه بحق الشيخ فضل أقول فيها علي واجب أذكرك دوم وصلاك \وعسى دايم يظل وياي وصلاك\أعرفك من أهل طيبين وصلاك\ من أهل الزود والبيهم حميه (الفزاعيه)وتنخانه يا كون بضيج سلامي الكل عمامي

—————————————————

– حسين  العبادي/ أبو ذيه بحق الشيخ نعيم العبادي أقول + يطيب الذات نبعك ذهب وصلاك

شرف ياشيخ ليّه وفخر وصلاك
لون بيت الكتبته اعليك وصلاك
بعدد كل حرف منّه الكم تحيــه
——————————————-
-/ هذه الابوذية…….. علامه الدهر شتتنا و طرنا حسن العبادي
عقب ذاك الطرب بالهم وطرنا
الف ياحيف مقضينه وطرنا
وليالي الي مضت متعود ليه
——————————————————

- حسين  العبادي / سلامي الك حسن العبادي  + وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وطركم
يعيد الله شتتكم جمع ليه

———————————————-

منقول من الاخ جاسم محمد العبادي ———————عبادة أصل
عبادة دين
عبادة مذهب
عبادة من الرجولة أسياد تتغلى
ثقافة ومن الثقافة بيها تتحلى
شيخ الفضل وعبد الخالق من صام وصلى
نسلهم رجال وبالشدات متتخلى
عقيدتهم حسين وعباس عبيد الله
لهم كرم من أخلاق فوك جبال تتعلى              عباده ومن اصل الأخيار نسبكم
فخر وارتقى من تسمى بكم
انتم عنوان للثقافة وهي شأنكم
ومن معاني البطولة طرز اسمكم
ياحيف للمنازل ان كان عدوكم
يخشى من الموت ساعة صولكم
أنتم سيف لاينحني الا بكم
وانتم وسام شرف ينشر بنصركم                        يا مدور ألزلم بعباده تلكاها
هم أصل الشجاعة وهم معناها
ونعم شيخ ألفضل وأبو جبار رباها
يابيرق العالي بزود سواها
ياحزام الظهر لو هدت عداها
(أخوكم جاسم العبادي)

——————————————————–

( جاسم محمد العبادي )العباده فخر
ضاعت كل القوافي وكل الأشعار
حرت شوصف أفعال الرجال
العباده كحل بعيون الأنظار
جسر للنوايب بيها الأمثال
بسيطة تصير عندهم لو رحت محتار
يفدون النفس من كل الأجيال
حتى زغيرهم لو شفته من صار
سبع ما يهاب وللموت همال
يعني حقيقة نسبهم هم الكبار
فهمني القلم وكال ما كال
عبادة زود وعباده ضياغم أحرار
عباده قصيدة بمسرح ابطال
بقلم أخوكم (جاسم محمد العبادي)
———————————- ——

( جاسم محمد العبادي ) -                       إحنه اجيال ربينه وعلمنه
ويظل مرفوع ويرفرف علمنه
ويظل يزهي ويظل خالد علمنه
وتظل بغداد أم العلم هيه

————————————————

( أبو بهجت ألعبادي ) عبادي أنتــه أصــيـل أومن نســل طيبين :::: ياجاســـم تحيــه ألـك مني أوكـل ألمـحـبـيـن :::::أنـتــم بـا لشـــجاعــه أســيـوف ألمجـر بين ::::::وأنتـــم للـكرم يا صــاح ألمخـر بين :::: مامـجــد أبـهــا ي ألنـاس ألـمـثـبـتـيـن ::::: مامجد أبهاي الناس المثبتين
————————————————————————————
( جاسم محمد العبادي ) انا عبادي انا عبادي ومن نسل طيبين
انا اصلي الشرف ورجال متربين
انا منبع عقيدة ومأيد من الدين
انا عمامي زلم وللدين سدادين
انا ابن الأسود الماتنام الليل
انا ابن الفحول وحاميه الدخيل
انا. عنواني الرجولة يالتريد دليل
——————— ( ياسر العبادي )                                            رقيق برقة الماس وصفة
وتعجز لوردت وصفة
هو للعليل صار وصفة
عبادي ابو محمد ونعمين منه
الى الشيخ نعيم العبادي
ولايهونون ابناء العم كافة
—————————
( الشيخ نعيم ال عبدالله العبادي )
جواب البوذية ياسرالعبادي
كفو يلبيك أشد عزمي وهاماي
بخوتك زحت كل حزني وهاماي
وتاج أنته على رأسي وهاماي
وزامط بيك يل كلك حميه
—————————
( الشيخ نعيم  ال عبدالله العبادي )
أبوذيه——
الباري مطالب الوادم عباده
وبحور العين يجزيهم عباده
الشجره الفرعت منها عباده
بعون الله تظل شجره سخيه
تحياتي للجميع
–( جاسم محمد العبادي)
يا مدور ألزلم بعباده تلكاها
هم أصل الشجاعة وهم معناها
ونعم شيخ ألفضل وأبو جبار رباها
يابيرق العالي بزود سواها
ياحزام الظهر لو هدت عداها
(أخوكم جاسم العبادي)

  • ‏—————————————

(الشيخ  حيدر العصاد العبادي ) انه الما ابدل الدار مندار
سماهه غطاي والتربان مندار
الي جف الذي للكون مندار
والي يوم التذكره الاريحيه
———————————————–( الشيخ نعيم العبادي )
هاي الهوسه للشيخ عادل العصاد أبو عمر وردن على صورة المرحوم الحاج شريف العصاد (رحمه الله)
أيكول نعيم

تظل الدار منطوره ويظل بيها التعرفه الناس
مامات اليموت وعنده رفعت رأس
أبوكم دك ثوايا وخوش هم دك ساس
الجان السور أتهدم محميه أركانه——–وحنه أركانه أنشاء الله
———————————————————

( عمر عادل  العصاد العبادي)
 الى فدائي القبيله ابو محمد شيخ نعيم ال عبدالله العبادي

ابو محمد نعرفك للقبيله اذراع
راعيهه وشهم وتروج بيك الكاع
سفينتنه جبيره وتضل بيه شراع
انته الرديت العايل خيبت اضنونه
———————————————————–

(مصطفى عادل العبادي)
وداعــــــــة اللــــــــه
يالتشـــــع روحـــــك محنّــــــــــه…….
أنـــــت يالطبعــــــــات أديــــــــك
اعلــــــه النـــــوايــــــه البيـض حنّــــــــه
يالخــــذت كـــــل الســـــوالف مـــن غفيـــــــت
ووحشـــة الليـــــل بغيـــــابك
طشــــــرت واهـــــس شملنــــــه…
شـــــــرد أكلــــك؟؟
(يامسيــــــة العافيـــــــة عليكــــم يهلنــــــه)
———————————————————
(حسن العبادي)
اني ابن الجبال اثبتن للتاريخ اني ابن الفرات ا
لمانشف مايه..اني ابن الصحاري وابن الهور وابن
..وابن ذي قار انه ابن الينوخذ رايه .
.اني ابن البصره الفيحاء ابن اعباده
وابن المضيف الما خلت صينيته ولا برد جايه
اني ابن الدله والفنجان تشهد الثايه..ولاعنده وي الصديق
الف غايه ..اني ابن الرمح وابن السيف واسهمي عالعدو رمايه
العبــــــــــــــــــــــــــــــــــادي

————————————————

 ( الفرات الفراتي)
اهزوجه من الشيخ محمد عبدالرضا العبادي ابوغيث

……………………………انا التاريخ يشهد لي هلي ماطاعو ا الظالم ….هلي وشط الاخيضر ذاك بعدهم ما عرف وادم ….ولا دك هاون بجرفه ولا جف غيرنا سالم ….ابدا مايرجع سالم كلمن لاوانا.

  • ——————————————————

لوضاع اصلك كول اعبادي وفرش فوك الصحره وبات — تلكا اديارك من المشرق حد المغرب بالعز معموره الربعات —لوضاع اصلك بينا اتنخا وتلكانا ارجال الكلفات — احنا الماتنزل رايتنا دوم اترف فوك الرايات

———————————————

ارشد فضل العبادي

انا بن البخت والسلف والديوان
وانه بن المضيف الماطفت نارة
انا بن العگال الما ركس وانهان
دنيا عگال ابوي تلوذ بكتاره
انه ولايتي تسوالها ولايات
مدفون بحضنها ايمام* بيه شاره
انه اسمر صدگ بس گلبي طيب ذات
شطيب من گلب والبرحي جماره؟
وين اللي عبر عالذلة وكت الضيج ؟
وين اللي نصب عالموت معباره ؟
انه الهجام مني ، وتعرف الهجام ؟
غضبان* اللعب عالروس مگواره
طفلنه عله الهله يتعلم من يصير
عزوبيه يتعلم باول صياره
خاطر لو كبر وبابه يلفي الضيف
فوگ فراش گلبه ينام خطاره
وبعد عدنه المواقف صايرات هواي
اسولفلك عليمن ياهو تختاره ؟
على الجاره احترگ وبروحه طفى البيت
لو عالسلم ابنه وضم ابن جاره ؟
ابن ولايتي صندوگ مال اسرار
اذا روحه اطلعت ماتطلع اسراره
عدنه اللو خزرها تگوم ترجف خوف
ماكو البيد مرته مسلم صراره
البذاك الطرف لو عزا بداره يصير
البهذا الطرف ينصب عزا بداره
نعم شيابنا لو كبرو يحنبون
السيوف انحنت بس هيه بتاره
بوجوه النثايا انفتح باب العوز
بس ثوب الشرف مافتحن زراره
انه الجاراتي من عايلتي محسوبات
وخويه تصيحني من تنتخي الجاره
امد جفي بكرم كلما يمرني العوز
شنهي العوز اطخله ويعلى مقداره
علمت الجرح صبر البدو عله الثار
ماريد الجرح يستعجل بثاره
الينكر واقعه بذله ومهانه يعيش
مثل الينكتل ويضيع فجاره
مثل الينكتل ويضيع فجاره

——————————————————————————————

محمد جبار العبادي

اهزوجه للمرحوم الـشـيـخ عـبـدالـخـالـق الــعــبــادي
في حادثه لعباده مع قبيله بني اســد انــذاك فكان والده
الشيخ الحاج عبدالحسين الحاج شريف مـسـافـرا…..
(الواهم لايتوهم لمن يحضر سركال النيبه)
..وعنده فاتحة المرحوم الشيخ عبدالخالق رد عليه
الحاج عباس الحاج عمر الحاج شريف العبادي….
اخوي الكال لايتوهم الواهم لمن يحضر السركال
اخوي بيوم طكهن يرهب الخيال
اخوي اليسر كل صاحب يشيل حمول ماتنشال
عالخلو طيبه تكدر شاطي الملعب

——————————————————

علي فضل العبادي

اهزوجه علي فضل العبادي يصف عزم عمامه
احنه دوم الدوم نوصل كل بعيد
وحنه زلزل بل سمه وذبنه الرعيد
احنه مرود لوحمه يكص الحديد
الشر مضغتنه ونرضع بي

————————————————-

أحمد عبدالخالق العبادي

اهزوجه القيت في فاتحة المرحوم الشيخ عبدالواحد العبادي
وكان فيها خطاب للمرحوم الحاج عبدالحسين العبادي..
لاكاني ازلمه ومنكب ومهموم نيتك راشده كتله
انت منين جاي اوين رايح كلي شتريد
يكول انه طريد وخايف ومرتاع
للحجي عتنيت الرضع ديس سباع
كتله المحل والدار منطوره بس اللي تريده سكن حدر الكاع
ياوناتي عليه الجان يعزي الخايف

——————————————————

محمد جبار العبادي 

اهزوجه للشيخ كاظم العبادي في منطقة سفوان في فاتحة
اخو السيد عبــادي
الك محزن دليلي ومن صدك ونيت
يفرك بالحزاب عليه هذا البيت
لذلك صب دمع عيني وصوب دليلي وكبلك اهتزيت
بين نيشانه صوابك بالدلال صوابك

————————————————————–

الشاعر جاسم محمد العبادي

عليهم شاب كلبي و راسي
وبلم حبهم بشط ألروح راسي
هواهم على ألكلب حاكم وراسي
حكم فرعون بيامه ألخليه
مهداة الى ابناء العم الأعزاء

———————————————————
الشاعر حسين 
العبادي 

كلب صافن لون تدري كلبنه
وابد مايوم ع الصاحب كلبنه
احنه اضلوع الك وانت كلبنه
ونحافظع الكلب من كل اذيه
——————————
مكابل راد اشوفه وقابل اني
ورضيت بكل شروطه وقابل اني
انت الخنت وعدك قابل اني
تكلي اهواك وتبدل عليه
—————————–
تلوب الروح مشتاكه لهلها
ودموع الشوك بغيابك لهلها
شحال الدار لو راحو اهلها
جاوبني يهل مبعد عليه
——————————
نحيل الجسم من بعدك تراني
اريدك دوم بعيونك تراني 
احبك والبعد يصعب عليه
——————————
طعم حبك عسل وي جوز
ومنك مايتوب الكلب ويجوز 
تريد انساك بس بالموت ويجوز
تلمنه الاخرة ونرجع سويه
——————————–
خفيت جروح كلبي وانت داري
شكثر احبك وانت داري
تكلي روح لدارك وانت داري
اشحلاته العمر لونبقى سويه
——————————-
كلبي كل عشك بالكون لماه
ويحن اعليك مثل الطفل لماه
تدري شوكت اكطع بيك لما
اشوفن للكبر يسرون بيه
——————————–
اهج مره واعوف الدار مرات
واصيح منازع ويه الموت مرات 
اذا انت الليالي وياك مرات
انه نص النهار اظلم عليه
——————————
حسافه العمر دونك ياهوانه
ياعشكنه ياحجينه ياهوانه
دخيلالله انت كلي ياهو انه 
وهويتك ليش وشجابك عليه
————————————–
الصاحب من عكس وكتي جريده
وصرت سعفه بنخل بالي جريده
مو انه الجنت بيدك جريده
تحطني ابين اديك وتقره بيه
***************************
لاويت الوكت بس ما لواني
ولا غير من اوصافي ولواني
ماهمك رحيلي بس لواني
جان اتخبلت ميه بالميه
************************
اساس انه يدنيه وبيه ربعي 
جفوني وما لفو بالشده ربعي
انه الكامل جنت شو صفه ربعي
وثلثترباع راحن بس اذيه
***************************
تعال ومر عليه وردشوفك
انه عطشان ميت وردشوفك
تره انه منشوفك وردشوفك
وعطرها يفوح كل ساعه عليه
*****************************
مو مثل البتوت الروح بتها
دشوف شكد بديها يلوك بتها
احب الشايله عالمتن بتها
تروح الروح من اتمر عليه
***************************

ماصحتلي
حزن دنياي تمتطر وما صحت لي
وردت بس فرصه اشوفك ماصحتلي
وكفت اكبال عينك ماصحتلي
وصحتلك مادرت وجهك عليه
———————————-
ولاثار
الغيرك مافزع كلبي ولاثار
واظن مابعد تطلبني ولا ثار
بعدهه بكلبي لجماتك وللاثار
وجروحك بقت نيشان بيه
———————————–
من رداني
سحلني سحل دهري من رداني
وبعدك عني ولك مرداني
مرة بعيد عني ومرة داني
وبطرف عينك تحن عليه
————————————
مالحك بيك
احس كل البشر ماله حك بيك
وحك طيب الزرعته ومالحك بيك
الكلب ملهوف يركض ومالحك بيك
رغم كل شئ قريب انته عليه
———————————–
نعمه
محبتكم علينه هاي نعمه
وبعدكم مانشوف الزاد نعمه
اكو اغنيه بشريط حسين نعمه
يكول كافي من البعد حنوا عليه
———————————–
بلاياك
وحشه الدنيا ماتسوة بلياك
واحبك حتى لو كثرن بلاياك
شلون الدومنه العبها بلا يك
وانه الدوشيش ميت بين اديه
———————————
وانتشارك
يسر كلبي سرورك وانتشارك
انه كلطير عندك وانتشارك
لحط همي ويه همك ونتشارك
عليك البجي وانه النوح عليه
———————————–
شوكت تمطر الدنيه وانتهدم
يبس جلدي على عظمي وانته الدم
اني ابني يواشي وانته هدم
وبعون الله الهدمته يعود اليه
=================
دوني يصير ياهو الچان دوني
وهو نفسه تعرفه شكثر دوني
انا الما تقبل الكلفات دوني
شعليه بنذل يحجي عليه
——————————–
أأمرني ولبيلك عسلبيك
وعساهن بيه يلتمن عس البيك
حنظل لو ضكت خدي عسل بيك
وضحكتك للنحل وصفه شهيه
——————————–
كم مره يزعل مني واراضي
ويدلل على گليبي واراضي
مابقت عندي املاك واراضي
بعت حتى هدومي العـليـه 
——————————–
حبيبي الدهر بجفاكم بلانه
قدر مـكتـوب من الله بلانـه
شـلون تنام يالغالي بلانه؟
وماتحن لصدري وضـمة ايديـه 

مختلف
—————————————
دنياك ياصاحبي منه سهم صابني 
ولا من صديقي شفت يوم الدهر صابني 
لاواني غصبا علي تحت الصخر صبني 
كلهاذ ومايكتفي ولفني بحبل وكتاف 
مثل حر بشبك طاح وكع بكتاف 
مكرود رجل الذي مالو سند وكتاف 
يزلك زلكات الذي تحت الجدم صابني 
——————————-
روحي من الصبر ملت وعدهه 
على ظهورك يبو صالح وعدهه 
ليالي الشوك احسبهه وعدهه 
بليهب الشوك نتجوه سويه
————————————
وكعت وصحت انة الك اخ اخ 
تأذيت وبجيت هواي اخ اخ 
حسافة تعوفني يا خوي اخ اخ 
اذا بأول مصيبة نكتت بية 
——————————
احبك واليحب روحة نحلهة
العكدة ننظربحلهة ونحلهة
اذامشكلة حبنة مانحلهة 
ولك خلص صبري ودشوف صار بية
———————————-
نبيع النفس للينشد علينه
صبح ثوب الحزن لايك علينه
وحك عباس والحمزه وعلينه
تحب طاريك يبو نفس الابيه 
———————————-
كلب صافي لون تهوى كلبنا 
وابد مايوم عل الصاحب كلبنا 
احنا اضلوع الك وانت كلبنا 
ونحافظ عل الكلب من كل اذيه
——————————–
اظل ابجي توالي اليل ..عناي..(على الناي)
واًًٌلي ناظر يهل الدمع ..عناي..(يتعنى الي)
يغنيني الذي اغناك ..عني
ما يدم الغنى وتطرهة علية…..
————————————
اظل طول اليل اني ابراج…(ابراك=اداريك)
ومن ظيم العلية صعدوني ابراج….
وبس تعاندني وتقرأبالابراج….
وكلهة احبك وتكلي برجك موش الية….
————————————-
السبط ينسگة بدم النجر يوماي
يمن كل جبل شامخ الك يوماي
لون يومك يحل بمچان يوماي
ماسالت دماك علة الوطية
———————————
صفة دمة دمع عيني وكت بي
ويروحي بيني مصابج وكتبي
جزعت العيش ما ريدن وكت بيه
الذهب وية الصفر يصبح سوية
———————————-
افز من نومي وصفك على الراح
ويليلي مابطل ونة على الراح
يربي ارجوك اظل عايش على الراح
ياريت اتعود نساميهم علية
———————————————
جمار …..
حلو وجهك حبيبي أتگول … جمار 
وأنه گلبي عليك بنار …. جمار 
ضگت لوعات تدري وشفت … جمار 
طعم شفتك عسل ليهسه بيه 
*******************
شحمه …..
شبرد ياوكت شرتاح … شحمه 
عليل وبيه شفت شلون … شحمه 
غشيم الودع البزون … شحمه 
مثل هذا المثل مطبگ عليه 
*****************
علي دوم 
رحيل أمي سره بگلبي … علي دوم 
ودموعي أتفيض من ماتت … علي دوم 
دشيل إتراب ياصاحب … علي دوم 
حتى أرتاح من ظيم العليه
————————-
كلبي اشما اطشرة يرد صامت
وروحي من حزنها عليك صامت
اشما اخلي جهازي وضع صامت
يصرخ من تتصل انتا عليية
—————————
يتمنه الكلب شوفك ونته يامه 
وصرت سنين عمري ونته يامه 
ياما كلت احبك ونته يامه 
وطلع حبك جهنم بين اديه
——————-
نبض كلبي المحبتك هتف يلوان 
واحس لسمك اضلوعي انحنن يلوان
انسعد كلبي بحلاتك روح يلوان 
لان صوتك سعاده وفرحه ليه
=——————–
بعدت عني عجب بعدك علي حال
وبعتني برخص للعاذل علي حال 
اسوم الحرمك عني علي حال 
حته اتحل شبكتك بين هدي
—————————
وحق من اعرف اسماءة واجلهة 
حبك شال من روحي وجلهة 
لو دربي الك حقهة واجلهة 
اجيك وما تهمني المنية 
—————–
اريد ادخل لكلبك واهجمنة 
ونصحوني اتركة واهج منة 
نور الشمس ماخذ وهج منة 
وحتى الكمر ياخذلة تحية 
—————–
زمان الهجر خل يكصر ولا يطول 
والي بحبكم علو هامة والي طول 
نور الشمس فلا يكدر يطول 
الورد انتة واشيلك بين ادية

—————————–

ياخوي تدري الوكت دكات اله فاينه
لملم رياحه وغفل هب وشلع فاينه
دورت شرك وغرب وكطعت كل فاي انه
ملكيت مثلك اخو بالنايبه يشرك
والي نكر خوتك بالخالقه يشرك
من لوح صار الكلب والوكت بيه يشرك
لوكص الجدام بجفوفي اعتني فاي انه // بوغبث العبادي

——————————————————–

3- عبادة :
وهو من فروع عُقيل وبطون عبادة هي :
————————-
- معاوية بن حزن بن عقيل وقد مدح شاعر قرة هلال بني معاوية هؤلاء فقال 
وجدت بني معاوية بن حزن
على ما نابها صبرا كرامـا 
**
كهول سادة وشباب صـدق
فلا كهلا ذممت ولا غلامـا
** 
يوسط جارهم فيهم ويحمـى
فلا فقر يخاف ولا إهتضاما 
**
وجدت الأمن يوم حللت فيهم
كامن الصيد بالحرم السهاما
**
كان الجار يوم يحـل فيهـم
يجاور كعبـة الله الحرامـا 
**
فما حبسوا سوامهـم علـي
ولا منعوا سوامي حيث ساما 
*********************
(التعليقات والنوادر- النسخة الهندية – 211 و212) .
- طهفة بن حزن بن عبادة بن عقيل وقد اشتهر من هذا البطن بنو يزيد بضم الياء وهو يزيد ابن عبد الله بن يزيد بن قيس بن حوثة طقهة بن حزن بن عبادة بن عقيل وشهرة هذا البطن ترجع إلى أمراء الموصل في أواخر القرن الرابع وفي القرن الخامس هجري
( نهاية الأرب 2/341 )
- بنو الأخيل وهو معاوية بن عبادة بن عقيل والأخيل هو أخ لحزن والأخايل فرعان عامر وكعب وليلى الأخيلية الشاعرة المشهورة تنتسب إلى فرع كعب وقد قالت تفتخر بهم :
—————————
نحن الأخايل ما يزال غلامنا
حتى يدب على العصا مذكورا 
( ديوان ليلى الأخيلية 69 ) .
————————
- بنو ربيعة بن عبادة بن عقيل واشتهر فيهم آل النفاضة الذين تقول فيهم ليلى الأخيلية :
———————-
فوارس من آل النفاضة سـادة
ومن آل كعب سؤدد غير معقب 
( الديوان السابق ) , ومن أشهر فرسانهم هبيرة بن عامر بن ربيعة بن عبادة بن عقيل وهو أول من أدرك دهرا الجعفري في يوم النخيل ( ديوان توبة الحمير 59 )

——————————

———————————-

ركد بالسوگ ربحه وخسر راس المال
اثاري البيه غيره يا رفاگه شال
عباده من تذب عليه الف عگال
ما توفيه تضل مطلوبه لعبدالخالق

———————–

كل الزلم تشهدلك يبو جبار
من صارت الشدة والمزامط صار
انته اول الوادم بيهه جيلك ثار
ياصل الحماد المارضيت بعار 
الك تاريخ لعبادة وتضل تذكار
(تطول الدنيا وتعرض عبد الخالق ماننساه)

—————————–

لو طاحت الشجره تظل عدنه اشجار
وظل وينه النويني او وينه الدهدار
ظل بيهه اليكظي الكلفات ظل بيهه 
النفل جبار 
جبار البيهه يسولف بالطيبات ايسولف

———————

ملحمه شعريه بين الشاعر الكبير عبد الواحد الهلالي العبادي وشيوخ بني اسد بيت ال خيون كانت هنا ك مناسبة عرس ودعوه اليها وكانت بينهم موده وصداقه فقال لهم ان اهلي في الشطره وهذه المناسبه لاتليق بستره والبنطرون فقالو له سوفه نجهزك بل ملابس العربيه فذا قام الى الضيوف ليسلم عليهم يبعثون احد الاشخاص فيقول له الشيوخ يقولن لك خذ بلك من الخاجيه لاتتمزق مره مرتين ماصبر وهم اظاهر يردون يحجونه \فقال لهم \ 
تبشت عل خلك ماعبر بشتاك \ مصلخ عشت وصط الهور بشتاك \ قابل من ذهب مصنوع بشتاك \جواني وصوف وانه لعز اليه \ فردو عليه \ نقره الضيف ياصاحب نشتنه \ معبرينه على مثلك بشتنه \ اذا خير دكوم نزع بشتنه \ودي عكالنه ويا سويه \\\ الرحمه والغفران الى روح الشاعر الكبير عبد الواحد الهلالي والى ارواح الشيوخ الشيخ طارق الخيون واخوته 

الموضوع منقول من الشيخ شاكر العصاد

———————–

الى كل ابناء عمومتي 
والى عشيرتي التي هي جناحي الذي ارتقي به 
اهديكم هذه الابيات
هلي عبادة زلم وسيوف بتارة
اهل دلة ومضيف الما طفت نارة
هلي اهل ملكة وضيف وصحون يرارة (جرارة)
كهاويهم بريحة هيل فوارة 
هلي خيالة كحيلات 
ترهب ساعة الغارة 
هلي بيهم الطيب والوفي 
وبيهم النوخذة الياخذ بثارة
هلي يامعدن الطيب اصلهم 
يلوذ الزمان بكتارة
هلي يل بالثرية انكتب اسمهم 
وعلى الفخر بيكم الاشعار تتبارة 
تحياتي لكم 
اخوكم سامر ال عبدالله العبادي

——————————————-

الشاعر علاء حسين محمد العبادي

ماضايك حلاتك دوم بس مار 
بريجي ونبت بلدلال بس مار
علة جثتي كون اليوم بس مار
اكوم ويرد طيف صباي بية

————-

الجفن غافي وطيوف اهواك …صحت اه 
بجو حالي بوداعك فكد …صحت اه 
هلي صدفه ذكرو طاريك …صحت اه 
بجو حسبالهم شي صار بيه

—————

جروحي المادنك باركتلك 
ونهر خمرت عيوني باركتلك 
بخبر طعنة دليلي باركتلك 
كبل لاشامت يهنيك بيه

—————-

عليك بداعتي هم سولفة وياه هم كتله حبيبي الموت ينتضره    

 هم كتله الشمس طلعة علي بليل هم كتله شبقة جم ذكره عالشجره

 اذا تسكت تطير حروفك بلا صوت وتكتب عالهوى ضيعلي نص عمره

مشية ومرني صوتك عكس دربي وفات زرعة انساك بس خضر وهم فكره

————-

انا الباريت طولك ها كبر ها
علي سويت وحشه هاكبرهه 
دهاك خيوط روحي هاك أبرهه 
وراك شككت خيطه اليه

————–

صحيح الوكت هدني منكر اني 
بس انا كسرته منكر اني 
ماراضع من الفر من كر اني
أبارزهه السيوف بذني أديه

——————–

انا بئيدي وتد علكاع دكيت 
ولادكت نذل بلناس دكيت 
بعدني ماطحت وطبول دكيت 
هسه انته تجي وتلعب عليه

—————-

هل لجلك دمع عيني ولك صاب 
ابسبب دهرك حمل سيفه ولك صاب 
صاب الشعر ضل عدهم ولك صاب 
وياك اندفن حدر الوطيه

——————

العوز يونس من اخلط كرامه وياه ونسة جاهل ويلعب بمرجوحه

علمني الأساس 
يشيل حمل البيت اوحمله شماثكل يتعله بسطوحه 

اوعلمني الصريفه ام البيوت اسرار 
البيت الكله جام اسراره مفضوحه

ارحب بليجي
ومافكله باب البيت بيبان الكلب يلكاهه مفتوحه 
*يعزب حتى جرحي وهله ضل يصيح ماكش يوم حته بوجه الملوحه

——————-

ذبل عودي لحيث انلظم من سام 
بخياظ وكل عضو من اعضاي من سام 
جنت غالي لعند اعضاي من سام 
ارخصت عد مازماني أزره عليه

——————

الك عني لسان الحال يرواي 
وهم شفت الندى العطشان يرواي 
ماتدري يخوي اليوم يرواي 
اكل زري وملخ ثوب العليه

———————-

بست أيد الحزن بس عوفني ارجوك 
كتله شبيك واكف يمي شاخص 
كال شلون اعوفك وحنه صحبان 
تريد الناس عني دكول ناقص

—————————

تلوج الروح والشامت شفاه 
تلج بسمك فلا فارك شفاه 
تعال وجيب لجروحي شفاه 
ملح من جيح كاع الناصريه

————————–

اعد النجم والطالع وفالي 
بشبجي مانفع صيدي وفالي 
ابد محد من احبابي وفالي 
ونه روحي على اصحابي وفيه

—————————

وحك السار بيه الكبر بالراي
يصاحب مانفع بعداي بالراي
انجان اتريد شركه وياي بالراي
تجنبهم كبل حدف المنيه